ХЪСАН ТУШ

Рахаз кимел, ийиз лагъ-лагь,
Дуьньядикай тушиз уях, 

Рагъ алай къуз на ви чирагъ,

КуькьIурна гъиле хъсан туш. 

Ви гьахъвилиз тагана яб,

Керчекдай кьада вичин таб.

Ихтибарсуз итим, гьам паб, 

Я хуьре, нЬвале хъсан туш. 

Сагнал рекье фин тийидай, 

Я рикIин сир хуьн тийидай,

Я пис-хъсан чин тийидай,

Фагьумсуз келле хъсан туш. 

Хизандихъ вун хъел хьайила,

Ви гьар са гаф хьел хьайила,

Хуьре мехъер‚ мел хьайила, 

Жув катна регъве хъсан туш.

Салигь шаклу язва адал, 
Вичин тахсир хиве кьардал.

Пехил хьана чеб сад-садал,

Хатурсуз мягьле хъсан туш. 

                                             1977-йис.