ВУЧ АВУРАЙ?

Веледрикай рнкIиз регьят
Тахьай касди вуч авурай?!

Рекьидалди чанда и дерт 
Гьахьай касди вуч авурай?!

Такьуй лугьуз цуькверал хар,

Авунай за ялвар-яхар.

Чизамачиз йифен ахвар,

Квахьай касди вуч авурай?!

Саникайни тежез чара,

Амукьнава тIуб кьаз сара.

Чан аламаз мичIи сура,

Авай касди вуч авурай?!

Гьа икI физва варцар-йикъар,

Кас авач дердина акьар. 
Зулун марф хьиз вилин накъвар,

КIвахьай касди вуч авурай?