ЧИ ГЬАР САДАН БУРЖИ Я

Фу авачиз уьмуьр жедач,

Гьадал я чи дамахар. 
Ам бул тирла туькIвейдай яхъ,

Амай вири кIвалахар.

Ам дуьньяда виридалай

Азиз я чаз масан я. 
Гьар са касдиз адан къадир,

Чир хьайитIа хъсан я.

Гьуьрмет, хатур авай чка

Адаз гъакьван кIан жеда. 
Вичин къадир течирбуруз,

Факай кIеви къван жеда.

Ам гьасилиз чи инсанрин,
Зегьмет гзаф, харжи я.

Виридалай фаз гьуьрметун

Чи виридан буржи я.